ქუთაისში , გზების კაპიტალური რეაბილიტაციის პარალელურად, გრძელდება ქუჩების სავალი ნაწილის და ტროტუარების პერიოდული შეკეთება.

🔹️ ამ ეტაპზე კონსტანტინე გამსახურდიას ქუჩაზე მიმდინარეობს კორპუსებამდე მისასვლელი გზების  აღდგენითი სამუშაოები, გზის სავალ ნაწილზე კეთდება ასფალტო-ბეტონის საფარი.

🔹️მისასვლელი გზების  რეაბილიტაცია მიმდინარეობს ლეჟავას  ქუჩის #2 , #4 კორპუსებთან  და გრიგოლ ხანძთელის ქუჩაზე, ფოლკლორის სასახლის მიმდებარედ.

🔹️წლის ბოლომდე,  ქალაქის სხვადასხვა უბანში 3 ახალი,   მარტივი ტიპის სპორტული მოედანი მოეწყობა.
გამსახურდიას ქუჩის მე-3 შესახვევში დასრულდა მინი სპორტული მოედნის მოწყობა. მოედანზე დამონტაჟდა კალათბურთის ფარები, დაიგო ხელოვნური საფარი, გაკეთდა განათების სისტემა და ლითონის ღობე.  

🔹️სპორტული მოედნების მოწყობა-რეაბილიტაცია დაგეგმილია ლადო ასათიანის და თამარ მეფის ქუჩებზეც.  
სამუშაოებს ასრულებს შპს „თეგიკა უნივერსალი“. 
სამივე მოედნის მოსაწყობად ჯამში 244 641 ლარი დაიხარჯება.