️ევროკავშირისა და გაეროს განვითარების პროგრამის (UNDP) ინიციატივით მიმდინარე „მერები ეკონომიკური ზრდისთვის (M4EG)“ მეორე ფაზის ფარგლებში,    საგრანტო კონკურსში „მუნიციპალური ტრანსფორმაციის პორტფელი“ გაიმარჯვა ქუთაისისა და ბათუმის მუნიციპალიტეტებმა. 

ქუთაისმა სამიზნე მიმართულებად აირჩია „ქუთაისი-სმარტ გადაწყვეტილებები ეკო ქალაქისათვის“.

️პროექტის ფარგლებში, ქუთაისის მუნიციპალიტეტის მერიამ დაასრულა მორიგი ორკვირიანი ეტაპი „ბუთქემფის“ ფორმატში, რომელსაც ორგანიზებას უწევდა სტრატეგიული და ტრანსფორმაციული ინოვაციების სფეროში მოქმედი ერთ-ერთი ლიდერი საერთაშორისო ორგანიზაცია Chora Foundation. განხილვის პროცესში მონაწილეობდა ქუთაისის მერი იოსებ ხახალეიშვილი.

    ️ ქუთაისის მუნიციპალიტეტის მერია მზად არის,   UNDP-თან ერთად,  „მუნიციპალური ტრანსფორმაციის პორტფელით“,  ხელი შეუწყოს სმარტ ეკო სამოქალაქო ქცევების და სერვისების დამკვიდრებას, საზოგადოებისათვის მეტი კეთილდღეობისა და სარგებლის მიღებას,  უპასუხოს გაეროს მდგრადი განვითარების SDG  მიზნებს.