ქალაქ სომბათჰეის (უნგრეთი) მუნიციპალიტეტი იწყებს კონკურსს მათი და პარტნიორი ქალაქებისთვის, სახელწოდებით ,,შემოქმედებითი გადაწყვეტილებები მწვანე ენერგიის წარმოებისთვის". კონკურსში მონაწილეობა შეუძლიათ როგორც კომპანიებს, ასევე ფიზიკურ პირებს, რომლებმაც საკუთარი იდეით შექმნეს ინსტრუმენტი ან რაიმე აღჭურვილობა, რომლითაც შესაძლებელია განახლებადი ენერგიის გამომუშავება. კონკურსისთვის მნიშვნელოვანია არა პროექტის ზომა, არამედ კრეატიულობა. მიიღება როგორც დასრულებული, ისე მიმდინარე პროექტები. კონკურსში მონაწილეობის მსურველებმა ორგანიზატორებს უნდა გაუგზავნონ განაცხადი ინგლისურ ენაზე, რომელშიც მოკლედ იქნება აღწერილი იდეა ( ტექსტი არ უნდა აღემატებოდეს A4 გვერდს ) და ინსტრუმენტი/აღჭურვილობა, ( საკონკურსო იდეის ფერადი გამოსახულებები ). საუკეთესო აპლიკაციის მფლობელები მიიღებენ მოწვევას სუმბათჰეის მთავარ ღონისძიებაზე - სავარიის ისტორიულ კარნავალზე, რომელიც აგვისტოს ბოლო შაბათ-კვირას მოეწყობა. მოწვევა მოიცავს საცხოვრებელს და პროგრამის სხვადასხვა ღონისძიებებში მონაწილეობას. განმცხადებელმა მხოლოდ მგზავრობის ხარჯები უნდა დაფაროს. განაცხადების მიღების ბოლო ვადაა: 2021 წლის 28 თებერვალი. კონკურსანტებმა განაცხადები უნდა გააგზავნონ საერთაშორისო საქმეთა ოფიცრის ადრიენ ნემეტის ელექტრონულ ფოსტაზე: adrienn.nemeth@szombathely.hu.
დამატებითი ინფორმაციისთვის მოგვმართეთ ელ ფოსტის მისამართზე:  interrelations@kutaisi.gov.ge