ქუთაისში იდეათონი იწყება!

 იდეათონი იდეების კონკურსია, რომელიც ქუთაისის მერიისა და მისი პარტნიორების მხარდაჭერით აკაკი წერეთლის სახელმწიფო უნივერსიტეტში 14-15 აპრილს გაიმართება.

 პროექტი მიზნად ისახავს, რომ ქუთაისში ახალგაზრდებმა საკუთარი შემოქმედებითი აზროვნების დახმარებით, მოიფიქრონ საინტერესო იდეები, იმუშაონ მათ დახვეწაზე და შედეგად, იზრუნონ ქუთაისის, როგორც შემოქმედებითი სივრცის, განვითარებაზე.

 მონაწილეების იდეა შესაძლოა შეეხებოდეს, როგორც კონკრეტული პროდუქტის და მომსახურეობის შექმნას, ასევე სხვადასხვა სახის ღონისძიების, ფესტივალისა თუ ბაზრობის მოწყობას ქუთაისში.

 საბოლოო ეტაპზე შეირჩევა 6 იდეა, რომლებზეც მონაწილეები 3 კაციან გუნდებად იმუშავებენ. სამი გამარჯვებული გუნდი კი ფულადი პრიზებით დაჯილდოვდება.

 მონაწილეობისთვის შეავსეთ ფორმა: https://bit.ly/3u88tFo