24 ივნისს ქუთაისის მეორე საერთაშორისო ფორუმი „ქალაქების პასუხი თანამედროვე გამოწვევებზე" გაიმართება.

ფორუმი ვიდეოკონფერენციის ფორმატით ჩატარდება.

 ფორუმის მასპინძელი და ორგანიზატორია ქუთაისის მუნიციპალიტეტი; თანაორგანიზატორი -

ამერიკის შეერთებული შტატების საერთაშორისო განვითარების სააგენტო (USAID).

ღონისძიების მხარდამჭერები არიან:

USAID-ის პროგრამა „კარგი მმართველობის ინციატივა“;

გერმანიის საერთაშორისო დახმარების პროგრამა „კარგი მმართველობა ადგილობრივი

განვითარებისათვის სამხრეთ კავკასიაში“;

პარტნიორი ორგანიზაციები:

საქართველოს რეგიონული განვითარებისა და ინფრასტრუქტურის სამინისტრო;

საქართველოს ადგილობრივი თვითმმართველობების ეროვნული ასოციაცია (NALAG).

ფორუმში მონაწილეობენ:

ქუთაისის მუნიციპალიტეტის პარტნიორი ქალაქები და რეგიონები;

ქალაქები აღმოსავლეთ პარტნიორობიდან და დასავლეთ ევროპიდან;

სამოქალაქო საზოგადოებისა და ბიზნეს-სექტორის წარმომადგენლები, ექსპერტები მსოფლიოს სხვადასხვა ქვეყნიდან.

 ქუთაისის საერთაშორისო ფორუმი დაარსდა 2019 წელს, ქუთაისის მუნიციპალიტეტის მერიის მიერ, ევროკავშირის ინიციატივა „მერები ეკონომიკური ზრდისთვის (M4EG)“ და USAID პროგრამის „კარგი მმართველობის ინიციატივა-თან (GGI)“ ერთად.

 ქუთაისის 2021 წლის საერთაშორისო ფორუმის თემაა ,,ქალაქების პასუხი თანამედროვე

გამოწვევებზე".

ფორუმზე განხილული იქნება შემდეგი საკითხები:

ქალაქების შესაძლებლობები პანდემიის დროს და მის შემდეგ.

ქალაქების კარგი პრაქტიკა COVID-19 პანდემიის გამოწვევების გადასაჭრელად.

ბიზნესი და სამოქალაქო საზოგადოება ქალაქის განვითარებისათვის.